У Барысаве рабочыя аб'явілі італьянскі страйк
Яны прыйшлі ў цэх, але не пачалі працу.
Рабочыя цэха перапрацоўкі піламатэрыялаў Барысаўскага дрэваапрацоўчага камбіната ў чацвер аб'явілі італьянскі страйк. Яны прыйшлі на працоўныя месцы, але працу не пачалі.
Як інфармуе сайт praca-by.info, выступленне пачалося пасля раздачы рабочым разліковых лісткоў. У іх быў пазначаны заробак у памеры каля 4 мільёнаў рублёў, а на рукі людзям выдавалі толькі па 600 тысяч. Кіраўніцтва спасылалася на невыкананыя нормы і святы ў Расіі, паведаміў старшыня Мінскай абласной рэгіянальнай арганізацыі прафсаюзаў РЭП Мікалай Пахабаў.
Фота — Мінск-навіны
