У Баранавічах 15 чалавек атрымліваюць вышэйшую адукацыю, не выходзячы з дому

15 чалавек выказалі жаданне атрымаць дыстанцыйна адукацыю менэджэра-эканаміста на факультэце перападрыхтоўкі кадраў у Баранавіцкім дзяржаўным універсітэце.
Большасць са студэнтаў-дыстанцыйнікаў ужо маюць вышэйшую адукацыю і скарысталіся магчымасцю набыць яшчэ адну прафесію, не выходзячы з дому. Гэта людзі розных прафесій і ўзростаў: выкладчыкі, кіраўнікі установаў, студэнты апошніх курсаў. У кожным семестры яны будуць вывучаць па 5-6 дысцыплін.