У аматарскім турніры за каманду Лукашэнкі згуляюць 7 прафесійных хакеістаў

У аматарскім турніры за каманду Аляксандра Лукашэнкі згуляюць 7 прафесійных хакеістаў, якія на сённяшні дзень яшчэ выступаюць, паведамляе сайт by.tribuna.com. Гэта — брамнік Леанід Грышукевіч, абаронцы Андрэй Глебаў, Аляксей Плотнікаў і Раман Сальнікаў, нападаючыя Вячаслаў Лісічкін, Сяргей Задзялёнаў і Яўген Курылін.  

Калядны турнір пройдзе з 4 да 7 студзеня на "Чыжоўка-Арэне" ў Мінску. У складзе каманды кіраўніка дзяржавы выступіць у якасці нападаючага і сам Аляксандр Лукашэнка.

У спаборніцтвах удзельнічаюць 8 каманд. Гэта — Беларусь (каманда Лукашэнкі), Фінляндыя, Нямеччына, Славакія, Аб'яднаныя Арабскія Эміраты, Швейцарыя, Швецыя, Расія. Беларусы правядуць свой першы матч сёння на вялікай арэне з камандай Швейцарыі, пачатак а 19-й гадзіне.

Фота: Еўрарадыё, БЕЛТА.