У агульным заліку Кубка свету Домрачава паднялася на трэцяе месца

У агульным заліку Кубка свету па біятлоне беларуска Дар’я Домрачава паднялася на трэцяе месца. Пасля сённяшняга другога месца ў спрынце ў яе стала 581 ачко. Лідыруе ў заліку Анастасія Кузьміна са Славакіі — 673 ачкі, на другім месцы — фінка Кайса Макарайнен, у якой 667 ачкоў.

Як вядома, сёлета біятланісткі правядуць яшчэ 4 асабістыя гонкі. У іх і вырашыцца пераможца агульнага заліку.