У агульным заліку Кубка свету Алімбекава трэцяя, а Смольскі — сёмы

Па выніках шостага этапу Кубка свету па біятлоне ў агульным заліку беларуска Дзінара Алімбекава займае трэцяе месца. У яе 499 ачкоў. Ганна Сола — шостая (407). На першым месцы Мартэ Ройселан з Нарвегіі (651), на другім — шведка Эльвіра Эберг (563).

У мужчынскім рэйтынгу беларус Антон Смольскі займае 7-е месца (360 ачкоў). Напярэдадні ён узяў бронзу ў гонцы пераследу, а раней на этапе быў трэцім у спрынце і ў эстафеце. Лідыруе ў агульным заліку Кантэн Фіён Мае з Францыі (581), на другім месцы — швед Себасцьян Самуэльсан (484), на трэцім — Эмільён Жаклен з Францыі (470).

7-ы этап Кубка свету стартуе 20 студзеня ў Антхольцы мужчынскай індывідуальнай гонкай на 20 кіламетраў.