Вы тут

"Творчая кухня": "Па што ідзеш, воўча?" Евы Вежнавец

На "Творчай кухні" Ева Вежнавец

Літаратурная праграма Еўрарадыё "Творчая кухня" вяртаецца ў эфір. 13 кастрычніка а 19-й у нас у гасцях пісьменніца, шорт-лістарка прэміі Гедройца Ева Вежнавец.

Паразмаўляем пра кнігу "Па што ідзеш, воўча?", пра супрацоўніцтва з выдавецтвам "Пфляўмбаўм", пра жыццё ў эміграцыі, пра чаканні ад сёлетняга Гедройца. Таксама Ева адкажа на пытанні гледачоў. 

“Творчая кухня” — сумесны праект Еўрарадыё і Беларускага ПЭН-цэнтра. Гэта праграма, дзе літаратары дзеляцца сваёй творчасцю анлайн: чытаюць вершы, прозу, пераклады, спяваюць, расказваюць пра жыццё падчас пандэміі і грамадска-палітычнага крызісу і адказваюць на пытанні.

Слухаць эфір Еўрарадыё можна па гэтай спасылцы. Трансляцыю са студыі можна будзе паглядзець у сацсетках Еўрарадыё: Facebook, "ВКонтакте", "Аднакласнікі".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.