ТГ-канал і чат журналіста Аляксандра Івуліна прызнаныя экстрэмісцкімі
Тэлеграм-канал і чат “ЧестнОК” прызнаныя экстрэмісцкімі. Такое рашэнне прыняў суд Чыгуначнага раёна Віцебска, паведамляе ГУБАЗіК.
Гэты ТГ-канал і чат з ютуб-каналам — праект палітзняволенага журналіста Аляксандра Івуліна.
Івуліна затрымалі 2 ліпеня 2021-га, яго вінавацяць паводле арт. 342 Крымінальнага кодэксу (Арганізацыя і падрыхтоўка дзеяньняў, што груба парушаюць грамадзкі парадак, альбо актыўны ўдзел у іх). Журналіст знаходзіцца ў СІЗА №1 ("Валадарка").
