Тэндар: Новы сайт Вярхоўнага суда за 50 тысяч долараў
На сайце Icetrade з'явіўся тэндар на дапрацоўку сайта Вярхоўнага суда. Плануецца зрабіць гэта за 99 тысяч рублёў, што па курсе Нацбанка складае каля 50 тысяч долараў.
У тэхнічным заданні гаворыцца, што сайт мусіць працаваць на ўсіх асноўных браўзерах, а таксама мець мабільную версію. Цяпер партал не мае беларускамоўнай версіі — яна таксама мусіць з'явіцца.
З'явяцца банк судовых пастаноў і электронная судовая вытворчасць, падпіска на навіны праз RSS, раздел "Відэа" і магчымасць падаваць звароты ў суды. Таксама плануецца стварэнне розных сервісаў для зарэгістраваных карыстальнікаў.
