У футбольным чэмпіянаце Беларусі сустрэнуцца лідары — "Шахцёр" і БАТЭ
У пятніцу пройдуць чатыры матчы 9-га тура першынства краіны ў вышэйшай лізе.
Цэнтральны паядынак дня адбудзецца ў Салігорску, дзе мясцовы "Шахцёр" прыме БАТЭ. Жывая трансляцыя запланаваная на тэлеканале "Беларусь-2", пачатак у 18.55.
У іншых матчах сустрэнуцца: "Тарпеда-БелАЗ" (Жодзіна) — "Белшына" (Бабруйск), "Дынама" (Мінск) — "Славія" (Мазыр), "Гомель" — "Нёман" (Гродна). Яшчэ дзве гульні пройдуць у суботу: "Дняпро" (Магілёў) — "Дынама" (Брэст), "Нафтан" (Наваполацк) — "Мінск".
Нагадаем, у чэмпіянаце Беларусі лідыруе "Шахцёр", у якога 19 ачкоў, на тры ачкі менш у БАТЭ, на чатыры — у мінскага "Дынама".
