Супраць палітзняволенага айцішніка, які з цяжкасцю ходзіць, завялі новую справу

Супраць асуджанага на 3 гады калоніі палітзняволенага IT-інжынера Аляксея Галоўкіна ўзбудзілі новую крыміналку, пішуць праваабаронцы “Вясны”. Тэрмін яго зняволення павінны быў хутка скончыцца.

У дзяцінстве Аляксею паставілі складаны дыягназ — гемафілічная поліартрапатыя. Гэта значыць, што ў яго праблемы з суставамі. Ён з цяжкасцю ходзіць. Праваабаронцам вядома, што іншым асуджаным у калоніі забаранілі дапамагаць Аляксею.

Вядома, што для медыцынскай экспертызы яго на месяц пераводзілі ў гродзенскую турму, але цяпер ягонае месцазнаходжанне ўдакладняецца.

Палітвязень скончыў школу з залатым медалём і ВНУ — на выдатна. Яго асудзілі на 3 гады калоніі. Па меркаванні беларускага судя, Аляксей вінаваты ў парушэнні арт. 366 КК (Пагроза гвалтам у дачыненні да службовай асобы) і арт. 364 КК (Гвалт альбо пагроза гвалтам у дачыненні да супрацоўнікаў органаў унутраных спраў). З яго таксама спагналі маральную кампенсацыю.

Якую менавіта крымінальную справу завялі на беларуса цяпер — невядома.