Створаны Міжнародны гуманітарны фонд у падтрымку беларускіх палітвязняў
![У Беларусі на сённяшні дзень налічваецца амаль 1400 палітвязняў](/sites/default/files/styles/gallery_main/public/2023-10/kraty2.jpg.webp?itok=sVabM9AF)
У Беларусі на сённяшні дзень налічваецца амаль 1400 палітвязняў / shutterstock / Fanni_2021
У Нарвегіі стварылі Міжнародны гуманітарны фонд у падтрымку беларускіх палітвязняў і іх сем’яў. Прадугледжваецца медычная, матэрыяльная і псіхалагічная дапамога, а таксама рэабілітацыя для асоб, якія зазналі палітычныя рэпрэсіі ад рэжыму Аляксандра Лукашэнкі. З такой ініцыятывай выступіла кіраўніца Аб'яднанага пераходнага кабінета Святлана Ціханоўская.
Падчас візіту ў Осла Ціханоўская сустрэлася з прэм’ер-міністрам Нарвегіі Ёнасам Гарам Стэрэ. Ён пацвердзіў, што яго краіна выдзеліць 10 мільёнаў нарвежскіх крон (больш за 900 тысяч долараў) як першы ўнёсак у фонд. Распараджацца ім будуць беларускія арганізацыі і ініцыятывы, якія дапамагаюць палітвязням і іх сем’ям.
Міністэрства замежных спраў Нарвегіі "працуе над фармалізацыяй працы фонду". Унесці сродкі ў фонд змогуць як іншыя ўрады, так і міжнародныя арганізацыі і патэнцыйныя донары.
У Беларусі на сённяшні дзень налічваецца амаль 1400 палітвязняў.
![Створаны Міжнародны гуманітарны фонд у падтрымку беларускіх палітвязняў](/sites/default/files/styles/default_image_paragraph/public/paragraphs/image/3331.jpg.webp?itok=W5rpbOw0)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.