Вы тут

Стала вядома, колькі затрымалі беларусаў за каментары пра загінулых расіян

Адзін з затрыманых / tvrgomel.by

Стала вядома, колькі затрымалі беларусаў за "цынічныя каментары" ў сацсетках пра загінулых на вучэннях у Беларусі расійскіх дэсантнікаў. МУС Беларусі паведамляе пра больш за паўсотні падазраваных па крымінальнай справе (арт. 130 КК "распальванне сацыяльнай варожасці"), затрымалі 11 чалавек, яны знаходзяцца ў ізалятарах часовага ўтрымання. На дзяржаўным тэлеканале паказалі запісаныя на відэа прабачэнні некалькіх затрыманых. Ім пагражае да 5 гадоў зняволення.

У МУС прызнаюць, што затрымаць усіх каментатараў не могуць, бо "некаторыя выехалі за межы краіны" і адтуль "працягваюць пісаць цынічныя выказванні".

Раней міліцыя затрымлівала тых, хто пісаў у сацсетках каментары пра гібель у Баранавічах лётчыкаў і ў Мінску супрацоўніка КДБ.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.