Вы тут

Справу аб апякунстве над сынам Азаранкі не перадалі ў беларускі суд

Фота: instagram.com/vichka35

Справу аб апякунстве над сынам Вікторыі Азаранкі не перадалі ў беларускі суд. Ён будзе адбывацца ў Лос-Анджэлесе. Мяркуецца, што рашэнне агучаць не раней за кастрычнік, інфармуе сайт tmz.com, які спасылаецца на амерыканскага адваката беларускі Лауру Васэр.

Еўрарадыё распавядала, што сенсацыйная навіна з’явілася ў чацвер у ізраільскіх СМІ, а пасля — у сацсетках. Вікторыя Азаранка ў ліпені развіталася са сваім маладым чалавекам, бацькам яе 8-месячнага сына Леа Білі Макігам (афіцыйна адносіны ў іх не былі зарэгістраваныя). Пасля гэтага ён звярнуўся ў суд Лос-Анджэлеса, паведаміў пра выкраданне дзіцяці і праз суд забраў у Вікторыі дзіця. Азаранка звярнулася да ізраільскага адваката Зівы Вальнера, які з’яўляецца вядомым спецыялістам у галіне сямейнага права. Меркавалася, што суд можа прайсці ў верасні ў Беларусі. Аднак, як цяпер стала вядома, амерыканскі суддзя ў гэтым адмовіў.

Паколькі на час разгляду справы аб апякунстве Леа не можа пакідаць горад, Вікторыя Азаранка не можа ўдзельнічаць у тэнісных турнірах. Інакш ёй давялося б адмовіцца ад кантактаў з сынам. Адвакат кажа, што Вікторыя прапаноўвала Білі аплаціць праезд і пражыванне ў Нью-Ёрку на час адкрытага чэмпіянату ЗША. Аднак суддзя адхіліў гэтую заяўку. Вікторыя Азаранка збіраецца атрымаць кампенсацыю матэрыяльных страт.

Новости других медиа
Загрузка...
Загрузка...

Галоўнае

Выбар рэдакцыі

Фота са старонкі Аляксея Мельнічка ў "Фэйсбуку"
На фота: У першым шэрагу злева направа Любоў Санкевіч, Тамара Сяргей, Валянціна Каваленка, Тамара Федаровіч. У другім шэрагу — Тамара Грыневіч з маці.