СМІ: Пад Славянскам знішчылі каля 100 тэрарыстаў (відэа)
Пра гэта паведамляе адзін з удзельнікаў баёў.
“Вынік сённяшняга дня. Усю ноч сёння па цагляным заводзе на ўскраіне Славянска працавала артылерыя і спецслужбы. Раніцай зайшла выведка. Паводле інфармацыі ўдзельніка гэтага бою, страты сярод тэрарыстаў — да ста чалавек”, — паведаміў журналіст Аркадзь Бабчанка.
Ва ўсходнеўкраінскім горадзе Славянску, што ў Данецкай вобласці, праходзіць антытэрарыстычная аперацыя — урадавыя ўкраінскія войскі выступаюць супраць сепаратыстаў. Паводле інфармацыі УНІАН, гэтай ноччу раненні атрымалі 4 украінскіх вайскоўца.
Фота: REUTERS
