Смеццявоз на Партызанскім праспекце ў Мінску збіў пешахода
Трагічны выпадак здарыўся ў сталіцы ў суботу раніцай, паміж дамамі 109 і 111.
Смеццявоз рухаўся заднім ходам і наехаў на 20-гадовага хлопца, які пераходзіў дарогу. Пацярпелы загінуў на месцы, паведамляе БЕЛТА са спасылкай на ДАІ Заводскага раёну Мінска.
Дзяржаўтаінспекцыя нагадвае пешаходам і кіроўцам, што ў дварах і праездах паміж дамамі трэба быць не менш пільнымі, чым на шумных вуліцаў. Легкадумнае стаўленне да дарожнай бяспекі можа каштаваць жыцця.
