Следчы камітэт правярае абставіны гібелі мінскай гімназісткі
Вучаніца 11-га класа звалілася з чацвёртага паверху навучальнай установы, якая знаходзіцца ў цэнтры сталіцы.
Як паведамляе "Интерфакс-Запад", следчыя адпрацоўваюць некалькі версій трагічнага здарэння, прызначаныя шэраг даследаванняў, у тым ліку і судова-медычная экспертыза. У Следчым камітэце адзначаюць, што "няма падставаў сцвярджаць, што гэта быў крымінальны выпадак".
"Наша ніва" дадае, што дзяўчына выпала з акна 4 лістапада каля 19-й гадзіны. Здарэнне адбылося ў прэстыжнай сталічнай гімназіі № 24, што месціцца на вуліцы Інтэрнацыянальнай. Яна спецыялізуецца на вывучэнні замежных моваў.
Фота — БЕЛТА
