Сіноптыкі папярэджваюць пра пахаладанне ў Беларусі
Холад пасля анамальнага цяпла / pixabay.com
Сіноптыкі папярэджваюць пра пахаладанне ў Беларусі. Яно зменіць анамальнае цяпло, якое ўстанавілася ў нашай краіне з канца сакавіка.
Пахаладанне пачнецца ў аўторак, 2 красавіка, з захаду Беларусі. Раніцай і ўдзень амаль па ўсёй краіне прагназуюцца кароткачасовыя дажджы (месцамі — моцныя), чакаюцца навальніцы, моцны вецер (у некаторых раёнах з парывамі да 20-24 м/с).
Тэмпература паветра ў начныя гадзіны складзе ад +10 да +15 градусаў, удзень — 21-26 цяпла (на захадзе — ад +14 да +20). У сераду ўначы ўжо будзе 3-9 цяпла, а ўдзень — ад +5 на поўначы краіны да +15 на Гомельшчыне. Прагназуюцца дажджы, мокры снег і парывісты вецер.
Падобныя ўмовы надвор'я захаваюцца і ў наступныя дні.
