Шахцёра-страйкоўца затрымалі, калі ён прыехаў у ДАІ мяняць правы
Затрымалі шахцёра-страйкоўца з "Беларуськалія" Алега Кудзёлку. Як піша "Новы час", затрыманне адбылося, калі мужчына прыехаў у ДАІ мяняць правы.
Паводле папярэдняй інфармацыі, затрыманне звязанае з адміністрацыйнай справай. Міліцыянты не назвалі сваякам шахцёра канкрэтную прычыну затрымання.
У верасні 2020-га Кудзёлка абвясціў бестэрміновы страйк у шахце і адмовіўся падымацца на паверхню. Ён патрабаваў, сярод іншага, спыніць ціск на страйкоўцаў і іх сем'і, а таксама спыніць беззаконне сілавікоў, спыніць затрыманні і збіццё мірнага насельніцтва краіны.
