Сцяпан Сухарэнка даў сведчанні ў судзе па справе аб збіцці Зянона Ломаця

19 лістапада былы старшыня КДБ Сцяпан Сухарэнка даў сведчанні ў справе аб збіцці старшыні Камітэту дзяржкантролю Беларусі Зянона Ломаця.

Працэс пачаўся 5 лістапада і адбываецца за зачыненымі дзвярыма. Судзяць трох супрацоўнікаў КДБ і аднаго супрацоўніка Савету бяспекі.

Прозвішча аднаго з абвінавачаных — Арлоўскі, прозвішчы іншых не называюць. 14 лістапада на працэсе выступіў Зянон Ломаць.

Вядома, што ад сваіх ранейшых паказанняў у якасці пацярпелага ён не адмовіўся. Абвінавачаным пагражае абмежаванне ў службе альбо зняволенне да сямі гадоў. Нагадаем, старшыня Камітэту дзяржкантролю Зянон Ломаць быў збіты ў адным з гатэляў Магілёва сёлета ў ліпені.

Праз некалькі дзён пасля гэтага інцыдэнту Аляксандр Лукашэнка зняў з пасадаў старшыню КДБ Сцяпана Сухарэнку і ягонага першага намесніка Васіля Дземянцея.

“Радыё Свабода”

Апошнія навіны

Галоўнае

Выбар рэдакцыі