Сайт бібліятэкі абновяць за 200 тысяч долараў
Гэта ўтрая даражэй, чым сайт Следчага камітэта, але танней за сайт кіраўніка дзяржавы.
Нацыянальная бібліятэка размясціла на сайце дзяржзакупак заяўку на мадэрнізацыю сайта. Гэта абыйдзецца бюджэту краіны ў 3,1 мільярда рублёў, ці 213 тысяч долараў.
У Нацыянальнай бібліятэцы Еўрарадыё пацвердзілі, што плануецца мадэрнізаваць інтэрнэт-партал бібліятэкі.
Дарэчы, нядаўна запушчаны сайт Следчага камітэта каштаваў утрая менш. А вось сайт кіраўніка Беларусі даражэйшы — 15 мільярдаў (амаль мільён долараў). Столькі на яго выдаткаваў бюджэт 2014 года.
Фота: media.vorotila.ru
