Рубель слабее: таргі на Беларускай валютнай біржы пачалі з гадзінным спазненнем
Яшчэ да адкрыцця таргоў у абменніках Мінска еўра прадавалі па курсе 3,4 рубля / Еўрарадыё
Таргі на Беларускай валютнай біржы пачаліся з гадзінным спазненнем. Еўра і долар даражэюць. На старце таргоў амерыканская валюта дадала адразу 10% і каштуе больш за 3 рублі. Еўра перавысіў планку ў 3,39 беларускага рубля.
Таргі па расійскім рублі пачаліся з яшчэ большым спазненнем. Беларускі рубель пакуль здае пазіцыі і расійскай валюце.
Нагадаем, раніцай з спазненнем пачаліся таргі на біржах у Маскве і Санкт-Пецярбургу. Калі Маскоўская біржа нарэшце адкрыліся, курсы долара і еўра абнавілі гістарычныя максімумы, перавысіўшы 100 рублёў і 113 рублёў адпаведна, паведамляе ТАСС.
Напярэдадні ЕС абвясціў пра новы пакет санкцый у дачыненні да Расіі і Беларусі за ўварванне і падтрымку ўварвання ў Украіну.
Курсы валют на старце таргоў Беларускай валютнай біржы / banki24.by
