Роўмінг у ЕС стаў бясплатным

З 15 чэрвеня ў ЕС адмянілі аплату за роўмінг для абанентаў сотавай сувязі. У краінах Еўрасаюза пачаў дзейнічаць закон аб адмене міжнароднага роўмінгу. Кіраўнік Еўракамісіі Жан-Клод Юнкер назваў гэты дзень гістарычным.

У заяве Еўракамісіі адзначаецца, што “канец збораў на роўмінг — гэта сапраўдная еўрапейская гісторыя поспеху”. Аднак пакуль невядома, ці не прывядзе новаўвядзенне да павышэння цэн на ўсе паслугі мабільнай сувязі ў Еўрасаюзе.

Грамадзянам краін, якія ў ЕС не ўваходзяць, плаціць за роўмінг давядзецца і далей.