"Рэйкаваму партызану", якому прастрэлілі калені, прысудзілі 16 гадоў калоніі
![Віталь Мельнік / калаж t.me/viasna96](/sites/default/files/styles/gallery_main/public/2023-08/mielnik-111122.jpg.webp?itok=nNh8bMid)
Віталь Мельнік / калаж t.me/viasna96
"Рэйкавага партызана" Віталя Мельніка асудзілі на 16 гадоў калоніі строгага рэжыму. Таксама ён мусіць сплаціць 9600 рублёў штрафу (300 базавых велічыняў), паведамляе тг-канал dissidentBY.
Як паведамляецца, мужчына пражывае ў вёсцы Хадакова Мінскага раёна, у яго ёсць маленькае дзіця.
Мельніка абвінавацілі ў падпале рэлейнай шафы на чыгуначным перагоне Навасады-Барысаў у сакавіку 2022 года. Гэта вывела з ладу сістэму сігналізацыі.
Пры затрыманні яму прастрэлілі калені. Мужчына дагэтуль ходзіць на мыліцах.
Родныя мяркуюць, што Віталь не мае дачынення да выстаўленых абвінавачанняў. Яго затрыманне сям'я звязвае з помстай мясцовага суддзі, а таксама тым, што раней у Мельніка была судзімасць.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.