Рэвалюцыянерка і пісьменніца — факты пра Алаізу Пашкевіч

Тады ж Алаіза і пачала актыўную літаратурную дзейнасць. Першыя вершы публікавала пад выглядам фальклорных зборнікаў, падпольна.

Фельчарка-рэвалюцыянерка

Хоць спачатку Алаіза была настаўніцай арыфметыкі, пасля вучобы ў Пецярбургу ў яе з'явіліся веды і ў іншых галінах, у тым ліку ў медыцыне. Яна вярнулася ў Вільню і працавала фельчаркай, пры гэтым была актыўнай удзельніцай Беларускай сацыялістычнай грамады.

У 1904-1905 арганізоўвала рэвалюцыйныя гурткі, пісала гарачыя пракламацыі, выступала на беларускай — і за свабоду беларусаў.

Эмігрантка

Пасля 1905 Алаіза эмігравала, але працягвала і асветніцкую, і грамадзянскую дзейнасць. Таксама ўступала ў рэвалюцыйныя гурткі, і нават уплывала на прасоўванне ўсяго беларускага ў імперыі — напрыклад, дапамогай у арганізацыі падпольных беларускіх школ.

З новым пашпартам змагла вярнуцца

Выйшаўшы замуж і атрымаўшы новае прозвішча, Пашкевіч здолела вярнуцца. Працягвала пісаць, стварала беларускія арганізацыі і супольнасці... і дапамагала тым, у каго была патрэба.