ЗША і ЕС патрабуюць ад уладаў Беларусі вызвалення ўсіх палітвязняў
Аб гэтым гаворыцца ў сумеснай заяве дзяржсакратара ЗША Хілары Клінтан і кіраўніка дыпламатыі Еўрасаюза Кэтрын Эштан.
Клінтан і Эштан таксама выказалі занепакоенасць адносна новых беларускіх законаў, якія абмяжоўваюць, з іх пункту гледжання, базавыя правы чалавека. Акрамя таго, у заяве падкрэсліваецца, што адносіны ЗША і ЕС з Беларуссю залежаць ад таго, як афіцыйны Мінск выконвае абавязацельствы ў рамках АБСЕ і як ставіцца да захавання правоў чалавека, паведамляе БелаПАН.
