Жыхары Мазыра растопліваюць снег — няма вады (фота)
У горадзе па-ранейшаму не адноўленая падача вады ў жылыя дамы.
Нагадаем, яна знікла ў Мазыры раніцай з-за аварыі на помпавай станцыі. Людзі сталі масава скупляць ваду.
Жыхарка Мазыра расказала Еўрарадыё, што камунальнікі абяцалі даць ваду ў дамы вечарам, але пакуль яе няма:
"Хадзіла па снег на вуліцу, у ліфце сустрэла суседзяў з вялікімі бутэлькамі вады. Людзі нават у суседнія вёскі ездзілі, каб купіць вады. Кажуць, што ў райвыканкаме ўжо нейкае экстранае паседжанне збіралі, але карэспандэнтаў туды не пусцілі. Для дзіцяці гатую на малацэ, кармлю кансервантамі, бо нічога не прыгатуеш".
