Жаночая зборная Беларусі па баскетболе застаецца без галоўнага трэнера
Анатоль Буяльскі абвясціў, што не мае намеру працягваць кантракт з Беларускай Федэрацыяй баскетбола.
“У мяне кантракт да канца гэтага года. І ўжо пры канцы лістапада мусіць быць атэстацыя, на якую я не планую ісці”, - цытуе трэнера basket.by. Пад кіраўніцтвам Буяльскага жаночая зборная Беларусі стала бронзавым прызёрам чэмпіяната Еўропы 2007 года, заняла 6-е месца на Алімпіядзе ў Пекіне, а ў 2010 годзе ўвайшла ў чацвёрку лепшых камандаў свету.
