Залаты запас Нацбанка Беларусі ў III квартале скараціўся на паўтоны
Па стане на 1 кастрычніка ён склаў 31 тону.
Як адзначае interfax.by, на 1 ліпеня залаты запас складаў 31,5 тоны. Такім чынам, за III квартал залаты запас скараціўся на 0,5 тоны.
На 1 красавіка залаты запас складаў 31,6 тоны. Гэта было яго найбольшым гістарычным значэннем.
У склад залатога запасу ўваходзяць золата, а таксама срэбра і плаціна. Залаты запас вылічаецца ў тонах, з пералікам срэбра і плаціны па эквіваленце золата.
