Выступ дуэта Rockerjoker у Любліне выклікаў скандал
Беларускі дуэт Rockerjoker выступіў у Любліне на маштабнай акцыі "Ноч культуры".
Музыкі закрывалі канцэрт у межах маштабнай акцыі, прысвечанай удзелу Любліна ў конкурсе на званне культурнай сталіцы Еўропы-2016.
Частка гледачоў горача вітала гасцей канцэрту, а частка асвістала з крыкамі "Падонкі". Беларускі студэнцкі асяродак у Любліне адкрыта заявіў пра абурэнне з нагоды выступу аўтараў песні "Саня останется с нами", піша сайт udf.by.
На інфармацыйнай старонцы Moje Miasto Lublin з’явіўся ліст аднаго з удзельнікаў стыхійнай акцыі на Літоўскім пляцы. На думку студэнта Віктара Шукеловіча, выступ гурта Rockerjoker гледачы ацанілі як вялікі цынізм у адносінах да палітвязняў ды іх сем’яў.
Нагадаем, што песню "Саня останется с нами" дзяржпрапаганда нейкі час рабіла сваёй "фішкай" перад прэзідэнцкімі выбарамі 2010 года.
