Вінаградава: "Міліцыянты нічога не патлумачылі пры затрыманні"
Паўла Вінаградава і Аляксандра Арцыбашава будуць судзіць сёння ў судзе Цэнтральнага раёна Мінска.
Абодвух актывістаў кампаніі "Гавары праўду!" затрымалі ўчора. Прычым Вінаградава міліцыянты забралі позна ўвечары з яго кватэры. Прычыну затрымання пры гэтым не патлумачылі. Пра гэта Еўрарадыё распавяла жонка Вінаградава Святлана:
Святлана Вінаградава: "Сказалі проста: "Праедземце, сам усё разумееш". Больш увогуле нічога не тлумачылі... Учора яго не адпусцілі, ноч ён правёў на Акрэсціна. Зараз я каля суда Цэнтральнага раёна, пад'ехаў адвакат. У судзе сказалі, што нібыта чакаюць, што прывязуць Вінаградава і Арцыбашава".
Хаця прычына затрымання Вінаградава невядомая, жонка мяркуе, што Паўла асудзяць на суткі. Іначай навошта было яго затрымліваць дома позна ўвечары, кажа Святлана.
Фота — nn.by