Узамен за МАЗ і "Гродна-Азот" Расія забудзе пра скандал з растваральнікамі?
Калі Мінск пагодзіцца на стварэнне сумесных прадпрыемстваў, то Масква падпіша нафтавы баланс на 2013 год.
Пра гэта паведамляе interfax.by са спасылкай на крыніцу, знаёмую з хадой беларуска-расійскіх перамоваў. Аднак расійскі бок пакуль не чакае сур'ёзных прарываў у перамовах з Беларуссю па гэтых пытаннях — нават на паседжанні Вышэйшага дзяржсавету Саюзнай дзяржавы, паседжанне якога пройдзе ў пятніцу.
Як паведаміла маскоўская крыніца, Расія ў выніку праблемы з растваральнікамі панесла істотную шкоду. Расійскі бок разумее, што грошай ад Беларусі не атрымае, таму гаворка ідзе пра тое, каб Беларусь стала больш падатлівай у перамовах па стварэнні сумесных прадпрыемстваў.
Нагадаем, што дамова пра гадавы аб'ём паставак расійскай нафты дагэтуль не падпісаны. Беларусь разлічвае на 23 мільёны тон. Расія ж пагаджаецца толькі на 18,5 мільёна тон.
Фота — forum-grad.ru