Улады Бабруйска да "маўклівай акцыі" далучаць мітынг-рэквіем (фота)
У Бабруйску ад самай раніцы ідзе падрыхтоўка да нечакана зарганізаванага ўладамі мітынгу-рэквіема.
Як і акцыя маўклівага пратэсту, афіцыйны мітынг прызначаны акурат на 19 гадзін. Гэта першы выпадак у Бабруйску, калі падобнае мерапрыемства прызначаецца на такі позні час. Звычайна дзяржаўныя мітынгі прызначаліся на першую палову дня.
На плошчу прывезлі і ўсталявалі сцэну, а большасць вольнай тэрыторыі спрабуюць заставіць лавамі.
Тым часам "маўклівая акцыя" набывае новых прыхільнікаў і энтузіястаў: абвесткі пра час і месца правядзення акцыі пачалі з'яўляцца на аўтобусных прыпынках і слупах.