У Гомелі за ўдзел у пратэстах асудзілі шоўмена і прадпрымальніка
![Ягор Зенчанка](/sites/default/files/styles/gallery_main/public/2024-05/zienczanka.jpg.webp?itok=oNkyndQ4)
Ягор Зенчанка / homeldays.org
У Гомелі за ўдзел у пратэстах 2020-га асудзілі вядомага ў горадзе шоўмена і прадпрымальніка Ягора Зенчанку. Суддзя Аксана Шэвякова прызначыла 2 гады калоніі агульнага рэжыму, паведамляюць праваабаронцы.
Прысуд шоўмену і вядучаму фестываляў суд Чыгуначнага раёна Гомеля вынес 30 красавіка. Зенчанку прызналі вінаватым у "арганізацыі і падрыхтоўцы дзеянняў, якія груба парушаюць грамадскі парадак, альбо ўдзеле ў іх".
Дата затрымання Ягора Зенчанкі пакуль невядомая.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.