Уга Чавэс перамог на выбарах трэці раз запар
На выбарах 7 кастрычніка за дзеючага прэзідэнта Венесуэлы прагаласавалі 54,42% выбаршчыкаў.
Яго галоўны сапернік на выбарах, лідар апазіцыі Энрыке Капрылес атрымаў 44,97% галасоў. Гэта ўжо трэцяе перавыбранне Уга Чавэса на прэзідэнцкі тэрмін за 14 гадоў яго праўлення. Чавэс прыйшоў да ўлады ў Венесуэле ў 1998 годзе.
Сёлетняя выбарчая кампанія была самай напружанай у найноўшай гісторыі Венесуэлы. Энрыке Капрылес склаў сур’ёзную канкурэнцыю Чавэсу, аб’яднаўшы вакол сябе 30 разнастайных апазіцыйных партый.
Нагадаем, што ў мінулым годзе ў Уга Чавеса знайшлі рак. Аднак паводле слоў прэзідэнта Венесуэлы, ён цалкам аднавіў сваё здароўе.
