У Швецыі затрыманыя беларусы са зброяй
Паліцыя шведскай правінцыі Бохуслэн правяла рэйд у лагеры для ўцекачоў “Ч’ёрнбру Парк Кэмпінг”, дзе пражываюць каля 200 чалавек.
Як перадае ИТАР-ТАСС са спасылкай на шведскія СМІ, у выніку былі затрыманыя некалькі выхадцаў з Беларусі і Грузіі. Іх падазраюць у сувязях з арганізаванай злачыннасцю.
Па словах прадстаўніка паліцыі Тумаса Фуксбарга, праваахоўныя органы вялі назіранне за падазраванымі на працягу некалькіх месяцаў. Затрыманыя займаліся распаўсюджваннем наркотыкаў, крадзяжамі і рыхтаваліся да рабаўніцтва. У іх канфіскаваны дзве адзінкі зброі.
