У Мінску аўтамабіль збіў 12-гадовага раварыста
Месца аварыі / t.me/gaiminsk
У Мінску аўтамабіль збіў 12-гадовага раварыста. Аварыя адбылася ўвечары 31 жніўня каля дома № 67 на вуліцы Нёманскай. Паводле папярэдняй інфармацыі ДАІ, 12-гадовы хлопчык пераязджаў праезную частку на ровары, не спешыўшыся, і трапіў пад колы BMW.
Школьніка даставілі ў медыцынскую ўстанову для абследавання. На месцы аварыі працавалі супрацоўнікі ДАІ Фрунзенскага РУУС Мінска. Праводзіцца праверка, каб высветліць усе абставіны здарэння.
У ДАІ нагадалі, што перад перасячэннем праезнай часткі раварысты павінны спешыцца і весці ровар побач з сабой. Гэтае ж правіла дзейнічае для кіроўцаў сродкаў персанальнай мабільнасці, за выключэннем выпадкаў, прадугледжаных Правіламі дарожнага руху.
