У Шаркаўшчыне пад следчы камітэт забіраюць музычную школу
Новае прыдатнае памяшканне для дзяцей і выкладчыкаў музычнай школы пакуль не знайшлі.
Настаўнікі Шаркаўшчынскай музычнай школы, вучні ды іх бацькі у перыяд маразоў і халадоў могуць апынуцца амаль што выкінутымі на вуліцу, піша сайт westki.info. І гэта пры тым, што што ў цяперашнім памяшканні музычная школа размяшчалася некалькі дзясяткаў гадоў. Школа знаходзіцца ў цэнтры пасёлка, недалёка ад аўтастанцыі, таму яе наведвалі і вучні з раёна.
Некаторыя бацькі цяпер кажуць, што калі музычную школу перанясуць кудысьці на ўскраіну, то іх дзеці проста перастануць наведваць яе. Не кожная сям’я мае свой аўтамабіль, каб давезці дзіця. А расклад руху гарадскіх аўтобусаў не заўжды ім зручны.
