У Польшчы затрыманы аўтамабіль з кантрабанднымі беларускімі цыгарэтамі
Уначы 27 кастрычніка польскія мытнікі затрымалі на польска-літоўскай мяжы аўтамабіль з 25 тысячамі пачак нелегальных беларускіх цыгарэт “ФЭСТ”.
Аб гэтым паведамляе Kurier Poranny. Кэмпінг-аўтамабілем на нямецкіх нумарах кіраваў 44-гадовы грамадзянін Эстоніі. Кошт канфіскаваных цыгарэт ацэньваецца ў 200 тысяч злотых (каля 65 тысяч долараў).
Кіроўца аўтамабіля адмовіўся даваць тлумачэнні адкуль у аўтамабілі аказаліся тытунёвыя вырабы. Акрамя штрафу, яму пагражае канфіскацыя новага аўтамабіля коштам 250 тысяч злотых (каля 80 тысяч долараў).
Фота: http://www.poranny.pl
