У метро мужчына спрабаваў звесці рахункі з жыццём, але застаўся жывы
Здарэнне адбылося раніцай у аўторак а 11.10 на станцыі "Кунцаўшчына" на другой лініі сталічнага метро.
Пра гэта Еўрарадыё паведамілі ў прэс-службе мінскай міліцыі. Малады мужчына ўпаў на рэйкі і апынуўся пад першым вагонам цягніка, які пад’язджаў да платформы.
Прэс-служба мінскай міліцыі: "Мужчына ўпаў, калі цягнік падыходзіў да станцыі. Асоба мужчыны і прычыны высвятляюцца. Брыгада хуткай медычнай дапамогі даставіла яго ў бальніцу, пакуль ён жывы".
Рух метро на Аўтазавадской лініі спыняўся на 10 хвілін. Як паведамілі Еўрарадыё ў Мінскім метрапалітэне, хлопец спрабаваў скончыць жыццё самагубствам.