У Магілёве акцыя салідарнасці з палітвязнямі прайшла без затрыманняў
Акцыю салідарнасці з палітвязнямі правялі учора ўвечары магілёўскія сябры арганізацыі "Малады фронт".
На плошчы Зорак у Магілёве васьмёра актывістаў з партрэтамі Насты Палажанкі, Змітра Дашкевіча, Паўла Севярынца, Андрэя Саннікава, Мікалая Статкевіча зладзілі ланцуг неабыякавых людзей, перадае Радыё Свабода.
Акцыя доўжылася каля дзесяці хвілінаў. Каб правесці яе хлопцам давялося мяняць папярэдне вызначанае месца на пешаходнай вуліцы Ленінскай. На прызначаны час туды прыехалі міліцыянты. Каб не быць затрыманымі актывісты вырашылі сабрацца на плошчы зорак.
