У Кіеве нагадаюць пра Мікалая Аўтуховіча
8 лютага ў Кіеве адзначаць трэцюю гадавіну з дня арышту беларускага прадпрымальніка і актывіста.
Імпрэза распачнецца а 19-й гадзіне ў будынку па вуліцы Ганчара, 33. У ёй возьмуць удзел беларускія грамадскія дзеячы Вячаслаў Сіўчык і Юрась Карэтнікаў. Запланаваны ўдзел таксама дэпутатаў Вярхоўнай Рады Украіны, якім не абыякавы лёс Беларусі.
Удзельнікі вечары ўбачыць фільм "Палітвязні", прысвечаны 16 беларускім палітзняволеным. Музычнай часткай імпрэзы стане выступ беларускага барда Андрэя Касмовіча.
