У Казахстане пачаліся арышты апазіцыянераў
Камітэт нацыянальнай бяспекі Казахстана праводзіць ператрусы ў былой сталіцы краіны Алма-Аце ў сувязі з беспарадкамі ў горадзе Жанаозен.
Ужо затрыманыя некалькі чалавек, у іх ліку - незалежны журналіст і апазіцыйны палітык. На думку назіральнікаў, у Казахстане пачаліся рэпрэсіі супраць крытыкаў дзеючай улады, паведамляе ВВС.
Акрамя таго, у Алма-Аце
спецслужбы правялі ператрусы ў офісе незарэгістраванай апазіцыйнай партыі
"Алга", а
таксама ў дамах некаторых яе актывістаў. Лідара
партыі "Алга" Уладзіміра Казлова і некалькіх яго паплечнікаў
затрымалі ў той жа дзень.
Нагадаем, што 16 снежня ў горадзе Жанаозен на паўднёвым-захадзе Казахстана ўспыхнулі сутыкнення паліцыі з нафтавікамі, якія патрабавалі павышэння зарплаты. У выніку загінулі па меншай меры 16 чалавек, каля сотні атрымалі раненні.
