У Ганцавічах адкрыюць алею пісьменства
Падзея прымеркаваная да Дня беларускага пісьменства, які пройдзе тут 4 верасня.
Адкрыццю Дня пісьменства будзе папярэднічаць круглы стол "Беларускі акцэнт: вопыт і перспектывы міжнароднага культурнага супрацоўніцтва", які правядуць 3 верасня ў Нацыянальнай бібліятэцы. Удзел у ім возьмуць замежныя пісьменнікі. Затым усе ўдзельнікі мерапрыемства паедуць у Ганцавічы, дзе і адбудзецца свята пісьменства. Нагадваць жыхарам Ганцавічаў аб нашэсці пісьменнікаў будзе алея, якую пакінуць пасля сябе майстры слова, паведамляе БелТА.
