Туалетную паперу з лагатыпам чэмпіянату свету па хакеі–2014 больш не робяць
Як высветлілася, выпускаў яе Слонімскі кардонна-папяровы завод "Альберцін".
Нагадаем, што выпуск такой паперы выклікаў вялікі розгалас. Старшыня Федэрацыі хакею Яўген Ворсін нават назваў гэты выпадак правакацыяй або неабдуманасцю.
Як піша "Газета Слонімская", Слонімскі кардонна-папяровы завод падпісаў ліцэнзійную дамову з Дырэкцыяй па правядзенні чэмпіянату свету на вытворчасць тавараў з лагатыпам чэмпіянату. На сёння на афіцыйным сайце заводу ў каталогу тавараў з сімволікай чэмпіянату фігуруюць толькі сервіравальныя сурвэткі і папяровыя ручнікі.
Фота — gs.by
