Таксіст збіў жанчыну ў цэнтры Мінску і кінуў машыну
Аварыя адбылася сёння каля 15 гадзін на вуліцы Веры Харужай каля Камароўскага рынка.
Як паведамляе БЕЛТА, таксі "Форд Скорпіё" рухалася па першай паласе. Аўтамабіль збіў жанчыну, якая пераходзіла дарогу ў неналежным месцы. Потым ён урэзаўся ў аўтамашыну "Пежо", якая рухалася ў спадарожным напрамку па другой паласе. Жанчына была шпіталізаваная, а кіроўца таксі ўцёк з месца здарэння, пакінуўшы сваю машыну.
ДАІ высвятляе акалічнасці ДТЗ, таксама вядзецца вышук кіроўцы.
