Сёння пачынаецца датэрміновае галасаванне на выбарах
Яно пройдзе з 18 па 22 верасня ўключна. Асноўны дзень галасавання на выбарах у Палату прадстаўнікоў — 23 верасня.
Атрымаць выбарчы бюлетэнь для галасавання можна, паказаўшы пашпарт ці правы кіроўцы. Вайскоўцам тэрміновай службы бюлетэнь могуць выдаць па ваенным білеце, дзяржслужбоўцам — па службовым пасведчанні. Акрамя таго, прагаласаваць можна з пенсійным пасведчаннем і студэнцкім білетам пры наяўнасці ў іх фатаграфіі. Грамадзяне, якія згубілі пашпарт, могуць прагаласаваць з даведкай органаў унутраных спраў.
Дарэчы, праваабаронцы неаднаразова адзначалі, што найбольшая колькасць парушэнняў на выбарах адбываецца падчас датэрміновага галасавання.
Нагадаем, што на 110 месцаў у Палаце прадстаўнікоў зараз прэтэндуюць 294 кандыдаты. Еўрарадыё склала свой спіс будучых дэпутатаў, з якім можна пазнаёміцца тут.
Фота — bymedia.net
