Сябраў БХД затрымалі на “Хвалі Салідарнасці” ў Віцебску
16 лютага каля апоўдня ў міліцыю трапілі Стас Лаўрэнаў і Аляксей Кішчук.
Іх затрымалі ў цэнтры горада ля Плошчы Свабоды пасля таго, як яны вывесілі расцяжку "Свабоду палітвязням".
Пра гэта прэс-службе БХД паведаміла віцебская каардынатарка аргкамітэту Таццяна Севярынец. Хлопцы звязаліся з ёй па мабільніку і паведамілі, што іх вязуць у міліцыю. Паводле яе словаў, зараз яны мусяць знаходзіцца ў Кастрычніцкім РАУСе Віцебска.
