Скандал у беларускім футболе: гулец выступаў пад чужым прозвішчам
Здарэнне адбылося ў матчы 32-га тура другой лігі чэмпіянату краіны.
У Слоніме гулялі серадняк — "Камунальнік" і аўтсайдэр — "Віцебск-2". Слонімскія футбалісты выйгравалі з лікам 1:0, на 75-й хвіліне не забілі пенальці, а на 86-й прапусцілі мяч у сваю браму. У выніку — нічыя 1:1.
Аднак, як інфармуе сайт football.by, у пратаколе было запісана: "Пасля заканчэння матча было выяўлена судзейскай брыгадай, што замест гульца "Віцебск-2" Пракоф'ева Уладзіслава № 10 гуляў Бярозкін Яўген (са слоў гульца) пад тым жа нумарам". Сітуацыю будзе разбіраць Дысцыплінарны камітэт Беларускай федэрацыі футбола.
Фота — football.by
