Сайт руху "За Свабоду" адключаны
Пра гэта паведамляе прэс-служба арганізацыі.
Па іх звестках, адключэнне адбылося прыкладна ў 12.20. Разам з сайтам руху “За Свабоду” быў адключаны і сайт кантролю яўкі на байкотнай Фрунзенскай акрузе Мінска.
Як заяўляе прэс-служба руху "За Свабоду", гэта адбылося пасля прэс-канферэнцыі, на якой намеснік старшыні руху Юрась Губарэвіч паведаміў пра вынікі назірання за яўкай падчас пяці дзён датэрміновага галасавання. Розніца звестак па людзяк, якія прагаласавалі датэрмінова, ад назіральнікаў і ўчастковых камісій складае амаль 3000 выбарцаў.
