Расійская апазіцыя правядзе ў суботу вулічную акцыю
Яна прысвечана падтрымцы абвінавачаных ва ўдзеле ў масавых беспарадках 6 траўня 2012-га на Балотнай плошчы Масквы.
Маскоўская мэрыя ўзгадніла акцыю ў канцы сакавіка. Яна пройдзе ў суботу 6 красавіка ў Навапушкінскім скверы. Пачатак запланаваны на 14-ю гадзіну, паведамляе ВВС.
Нагадаем, падчас акцыі 6 траўня 2012 года на Балотнай плошчы адбыліся масавыя сутыкненні з паліцыяй. Была распачатая крымінальная справа, па якой праходзяць больш за 20 чалавек, 14 з якіх знаходзяцца за кратамі.
